ВРЕМЕ: Магливо утро на некои места, сончев ден во Македонија, со слаб северен ветер и највисока температура до 26 степени

Денеска изутрина по одделни котлини во Македонија ќе има услови за појава на слаба магла, а преку денот сончево со умерена облачност и со слаб до умерен ветер од северен правец.

Минималната температура ќе биде од 1 до 8, а максималната ќе достигне од 20 до 26 степени.

Во Скопје наутро со услови за слаба магла, а преку денот сончево со умерена облачност. Ќе дува слаб ветер од северен правец. Минималната температура ќе се спушти до 7, а максималната ќе достигне до 24 степени.

Во следните два дена ќе има зголемена облачност со слаб локален дожд во среда. Потоа продолжува периодот на стабилно и суво време со пониски дневни температури.