Трамвај денеска удри во продавница во центарот на норвешката престолнина Осло, при што се повредени возачот и уште најмалку три лица, соопшти норвешката полиција.
Во моментот на судирот во трамвајот имало околу 20 патници, соопшти полицијата.
Фотографиите од местото на настанот покажуваат син трамвај кој удрил во продавница за компјутери на приземјето на четирикатница во центарот на норвешката престолнина.
Man åker till Oslo och det första man bevittnar är en jävla spårvagn som kraschar pic.twitter.com/NUQQRbvoN3
— victor christophe (@ViChristophe) October 29, 2024
Полицијата во соопштение наведува дека е направена голема штета на продавницата.
Спасувачките служби веднаш реагираа на несреќата во голем број и ја опколија областа. Зградата е евакуирана и ќе се проверува дали има структурни оштетувања, соопшти полицијата.
