ЈКП „Илинден“ го поднови својот возен парк со ново специјално возило за собирање на комунален отпад.
Градоначалникот на Општина Илинден, Александар Георгиевски кој присуствуваше на промоцијата на специјалното возило за собирање на комунален отпад истакна дека тоа е со капацитет од 21 кубни метри, и ќе ги замени старите и дотраени возила наменети за собирање на комунален отпад низ населените места во Илинден.
Тој додаде дека со набавката на комунални возила ќе се подобри квалитетот на услугите кои ги врши јавното претпријатие, како и ефикасноста на вработените.
Возниот парк во ЈКП „Илинден“ континуирано се обновува. Во изминатиот период претпријатието има набавено четири комунални возила и една градежна машина со приклучна механизација за косење и кастрење на вегетација, „мулчер“.
