Новата радиоактивна терапија во болницата на Универзитетскиот колеџ во Лондон го намалува за половина агресивниот тип на рак на мозокот – глиобластом, кој ги убива повеќето заболени во рок од една година, покажуваат резултатите од тестот, кој ќе продолжи поради успехот, објави Тајмс.
Новиот третман го таргетира туморот директно за да ги уништи клетките на ракот.
Првиот што учествуваше во тестирањето на новиот метод беше Пол Рид, 62-годишен инженер од Лутон, чиј глиобластом се намали за 50 проценти за само неколку недели.
Во новиот третман, лекарите прво отстрануваат што е можно поголем дел од туморот на пациентот пред да вметнат мал медицински уред под скалпот кој се поврзува со туморот преку мала цевка.
Лекот ATT001 потоа се инјектира директно во туморот, давајќи мали количини на радиоактивност.
Лекот се дава еднаш неделно во период од четири до шест недели и може да предизвика оштетување на туморот додека не му наштети на околното здраво ткиво.
Глиобластомите се брзорастечки тумори на мозокот, а само 25 отсто од дијагностицираните преживуваат повеќе од една година.
Само пет проценти од пациентите со глиобластома преживуваат повеќе од пет години, покажуваат податоците на хуманитарните организации.
