Трент Александар Арнолд сака да оди само во Реал Мадрид

Фудбалерот на Ливерпул Александар Арнолд веќе извесно време се поврзува со Реал Мадрид, а според последните информации единствено нешто што би сакал да направи англискиот репрезентативец е да се пресели во Реал Мадрид.

Десниот бек е дете на Ливерпул. Тој дебитираше пред осум години и оттогаш практично цело време е прва опција по десната странична линија, а „црвените“ би морале да бараат ново решение од следната сезона.

На Реал му е потребен нов десен бек, бидејќи Карвахал веќе навлегува во своите посериозни играчки години и се повеќе е склон на повреди.