Кошаркарите на битолски Пелистер, попладнево ќе го играат третиот натпревар во АБА2 лигата. Во Битола, гостува тимот на Џокер чиј сопственик е НБА ѕвездата Никола Јокиќ.
Ова е дуел од 3.коло на „Ц“ групата во која екипата Самобор е единствената без пораз, односно има две победи.
Пелистерци пак со половичен скор (1-1) ќе мораат да слават, доколку сакаат да останат во игра за место во плејофот.
Тренерот на зелено-белите Александар Петровиќ во изминатиот период се судруваше со здравствени проблеми во тимот. И денеска ќе недостасува искусниот Андрија Бојиќ, но Петровиќ смета дека димот може до победа.
„Очекувам добра игра и реакција на моите играчи. Сепак, ние сме поинаков тим кога играме на домашен терен.
Го имаме нашиот „шести играч“ публиката и очекувам дека и денеска „Чкембари“ ќе бидат присутни во голем број.
Ги знаеме нивните добри и лоши страни. Главна цел е да го исконтролираме скокот, да ја затвориме нивната транзиција, мислам дека одбраната ќе биде клучна“,
изјави Петровиќ.
Натпреварот меѓу Пелистер и Џокер што ќе се игра во салата „Боро Чурлевски“ ќе почне од 18 часот.
The post Пелистер го пречекува тимот на Никола Јокик, Џокер во дуел од АБА2 лигата appeared first on .
