Вечерва, со почеток во 19:00 часот, во Центарот за култура „Трајко Прокопиев“ во Куманово, младиот бугарски поп пејач и поет, Георги А. Иванов ќе се претстави со песна и поезија од неговата книга „Моите солзи на раните треви“. Музиката на песната ја компонирал еден од најголемите бугарски композитори – Красимир Ѓулмезов.
Георги А. Иванов е роден во 1993 година. Дипломирал на Националното уметничко училиште „Добри Христов“ (Варна) и Националната музичка академија „Проф. Панчо Владигеров“ (Софија) – специјалност „Поп и џез пеење“. Заедно со неговите активности како музичар, пишува и поезија.
„Моите солзи на раната трева“ е книга за созревањето и растењето низ љубовта што може да боли, но ве тера да летате, ви носи задоволство што сте ја пронашле смислата на животот. Стихови во кои може да се почувствува здивот на современиот човек со неговите соништа и идеали, со неговата желба за љубов, со неговите изгубени илузии. Насловот е поетска метафора за сето тоа. Темата е универзална – секој човек доживеал судир на своите соништа со реалностите на животот до еден или друг степен, се заљубил и не се заљубил, сакал и страдал, барал и открил кои се важните работи во неговиот животот. Ова е поезија која допира до душата на секого, без разлика на нивната возраст и пол, доволно е да се има чувство за уметност. Поезија од Георги А. Иванов е преведена на македонски и објавена во списанието „Книжевни елементи“.
Младиот пејач и поет ќе го претстави книжевниот критичар Пламен Тотев, најголемиот издавач на македонски писатели во Бугарија, добитник на Почесното Рациново признание и Македонскиот книжевен Дедал.
The post Промоција на книга од младиот бугарски поет Георги А. Иванов appeared first on ekran.
