Лидерот на табелата во ракометната Супер лига екипата на Алкалоид ја забележа и деветата победа во првенството откако попладнево како гостин го совлада тимот на Пролет со 39:26 (20:15). На вториот дуел од 9.то коло Охрид триумфираше во Куманово против МРК Куманово со 39:33 (19:15). Двата натпревара се играа денеска поради обврските на Алкалоид и на Охрид во еврокуповите во деновите од викендот.
Алкалоид беше доминатен во дуелот со Пролет, а домаќинот нерешен резултат имаше само во два наврати на почетокот на натпреаврот. Избраниците на тренерот Кирил Лазаров ја потврдија разликата во квалитет и стигнаа до нова победа во првенството.
На дуелот во Куманово домашната екипа беше равноправа со фаворитот од Охрид во поголемиот дел од првото полувреме кога имаше и водство, а последното беше 12:10. Следуваше серија од 5-0 за избраниците на Стевче Алушовски и водство од 15:12, што се покажа како решавачко за победата.
Табела: Алкалоид 18 бодови, Вардар и Охрид по 16, Еурофарм Пелистер 14, Бутел 10, Тиквеш 7, Прилеп 7, МРК Куманово 4, Струга 4, Бисинов Фруит Ленд 3, Радовиш 1.
The post Алкалоид продолжува со максималниот учинок appeared first on .
