Возилото „мерцедес“ со хрватски регистарски таблички управувано од Хамза Лици и Арљинд Бушати било под контрола на државната полиција, по страшната престрелка што се случи денеска во центарот на Скадар.
Имено, две лица загинаа, а две се тешко повредени денеска во престрелка во Скадар во Албанија и сообраќајната несреќа што следеше, се наведува во полициското соопштение.
Жртвите биле во возило „мерцедес“ во движење, кога напаѓачите се приближиле и испукале рафали од калашникови, при што го убиле Хамза Лици, за кого полицијата соопшти дека е „познато име во светот на криминалот“, објави Албанската пошта.
Во престрелката тешко е ранет Арлинд Бушати, синот на поранешниот кандидат на Демократската партија на локалните избори Џемал Бушати.
Веднаш потоа автомобилот во кој се наоѓале Лици и Бушати удрил во мотоцикл на кој се возеле пар браќа, случајни минувачи.
Во таа прилика починала една жена, додека нејзиниот сопруг бил тешко повреден и пренесен во болница.
Изворите на новинарите на „Ора њуз“ информираат дека при претресот биле пронајдени 3 огнени оружја.
Ова оружје е испратено во полициската научна лабораторија за да се утврди дали е користено во криминални настани.
Исто така, полицијата работи на добивање отпечатоци од прсти.
На местото на настанот е пронајдена поголема количина чаури, за што полицијата ќе се врати на местото на настанот за обезбедување на други докази.
Формирана е специјална истражна група и под раководство на обвинителството интензивно продолжува истрагата за расветлување на околностите на престрелката, а на влезот и на излезот од градот се поставени барикади.
Инаку, Бушати пред неколку дена пријавил во полиција дека две лица кои не ги идентификувал му се заканувале со огнено оружје.
The post (ВИДЕО) Ова се убиените во инцидентот во Скадар appeared first on Локално.
