Навивачите на Реал (М) не можат да се помират со фактот дека Винисиус Јуниор не ја доби наградата за најдобар фудбалер на светот. „Франс Фудбал“ го прогласи за најдобар играчот од средниот ред на Манчестер Сити и шпанската репрезентација Родри, а после церемонијата за „Златната топка“ започна лавината од негативни коментари поради таквиот епилог.
Има многу луѓе кои ги нападнаа организаторите, а на многумина им пречеше и самиот Родри, па решија да го навредат на социјалните мрежи.
Сепак, тие направија фатална грешка. Родри не е присутен на социјалните мрежи, а добар дел од навивачите на тимот од Мадрид не го знаеја тоа, па наредија погрешен човек.
Голем број коментари останаа на профилите на аргентинскиот интернационалец од редовите на Атлетико (М), Родриго де Пол.
„Наградата му припаѓа на Вини“, „Не ја заслужи Златната топка. Го ограби Вини”, се само дел од коментарите под фотографиите на Родриго Де Пол.
Ова насмеа многу љубители на фудбалот, кои се обидоа да истакнат дека навивачите на Реал (М) навредуваат погрешен човек.
“Кловновите овде коментираат за Златната топка. Тој не е Родри, тој е Родриго Де Пол”. „Оние кои го заменија Де Пол за Родри се оние кои не следат фудбал. Не можам да престанам да се смеам“. „Можам само да се смеам кога ќе ги видам коментарите на навивачите на Реал М.“, се дел од коментарите на социјалните мрежи.
И додека навивачите го навредуваа погрешниот, вистинскиот Родри го прослави трофејот на најдобар фудбалер светот. По тој повод беше организирана забава на која се случаа коментари кои беа наменети за Бразилецот.
„Винисиус чао, чао“, пееше играчот од средниот ред на Сити кој оваа сезона ќе ја помине во свечената ложа затоа што е тешко повреден и нема шанси да ја брани наградата следната сезона.
Сепак, тој ќе остане запаметен како освојувач на „Златната топка“ и мора да се признае дека зад себе имаше многу добра сезона.
