6
Тимот на Париз е најпријатното изненадување во Евролигата на почетокот од новата сезона, а лидер на екипата е натурализираниот Македонец, Ти-Џеј Шортс.
Парижани запишаа нова победа во елитата откако ја „треснаа“ Алба со 92:83, а на овој натпревар соборија и рекорд во Евролигата.
Париз е тим со најмногу шутови за три поени на еден натпревар во Евролигата, во неговата прва сезона на натпреварувањето. Тие упатија вкупно 52 удари за три поени, а погодија 20, односно имаа реализација од 38 отсто. Лидер во оваа статистичка категорија беше Хеифи со седум тројки од 19 обиди.
