Шефот на украинската дипломатија Андриј Сибиха денеска изјави дека претставници на Русија треба да бидат поканети на вториот Самит на мирот со цел да се развијат принципите на траен мир во Украина.
– Да, ја поддржуваме идејата да се поканат руски претставници на вториот Самит на мирот, но никогаш нема да ги поддржиме мировните иницијативи развиени без учество на Украина и зад нејзиниот грб. Никогаш нема да ги поддржиме мировните договори на сметка на Украина. Никогаш нема да поддржиме мировен договор што не ги казнува прекршителите на злото, Украинците го разбираат ова подобро од кој било друг, истакна Сибиха на министерската конференција за човечката димензија на „мировната формула“ што се одржува во Монтреал.
Тој ги повика учесниците на конференцијата „заедно, еднаш за секогаш да го запрат ова зло“. Според Сибиха, тешко е да се најде друг народ во светот кој повеќе тежнее кон мирот од Украинците.
– Но, мир по секоја цена не е мир, туку капитулација, окупација, депортација и мачење. Украина никогаш нема да се согласи на тоа, посочи Сибиха.
