Битолски Еурофарм Пелистер ја забележа првата победа во ракометната Лига на шампионите, вклучително и минатата сезона денешниот триумф доаѓа по 20 натпревари. Вечерва во Данска, битолчани го победија вицепрвакот на Данска, тимот на Федериција со 25:23 (9:12).
Голманот Никола Митревски блескаше на голот, собра 15 одбрани и беше најдобриот играч на теренот.
Пелистер одигра повторно лошо во првото полувреме, па во финишот дозволи домашниот тим да се одлепи на разлика од 3 гола.
Во вториот дел Митревски блескаше на голот, а тоа во нападот знаеја да го наградат неговите соиграчи.
Кузмановски со пет гола беше прв стрелец кај Еурофарм, а по четири постигнаа Пешевски и Хосни.
Во составот на Фредериција, Андерсен даде четири гола.
Следниот натпревар на Пелистер во Лигата на шампионите е на 20. ноември кога во Битола гостува токму Фредерција.
Текстот Еурофарм Пелистер првпат славеше во ракометната ЛШ е превземен од А1он.
