Истрагата открила податоци за случајот Крмзов кои ќе ја шокираат јавноста, допираат и до политичари кои немаат имунитет

Истрагата за струмичкиот бизнисмен Ристо Крмзов се уште трае зашто постојано, како се истражува, се појавиваат нови и нови нови моменти, но таа напредува и на крајот ќе излезат податоци кои се шоканти, рече на брифинг со новинарите премиерот Христијан Мицкоски. Како што истакна тој, станува збор за индиции, односно сомневања за злоупотреби тешки 15 милиони евра. Целата шема, според него, допира и до политичари кои, според неговиот исказ, немаат имунитет, што значи дека не се пратеници.

Воедно, тој ги негираше тврдењата на Крмзов изнесени во јавноста велејќи дека тие се тотална невистина. Не сподели повеќе информации за случајот, но повори дека и досегашните сознанија ќе ја чокираат јавноста кога ќе може да се обелоденат.