Вчера во 17.25 часот во СВР Скопје било пријавено дека на крстосницата од ул.„500“ и ул.„401“ во село Марино, скопско, патничко возило „хонда цивик“ со скопски регистарски ознаки, управувано од И.С. (46) од населба Илинден удрило во пешакот В.Н. (78) од село Марино. Возачот по сообраќајката го напуштил местото на настанот.
Во несреќата од здобиените тешки телесни повреди на местото на настанот починала В.Н., а лекар од Итната медицинска помош констатирал смрт. По насоки на јавен обвинител телото на почината било предадено на обдукција. Извршен бил увид од јавен обвинител и увидна екипа од СВР Скопје.
Полициски службеници од полициското одделение Петровец по преземени мерки го пронашле возачот и сопственикот на патничкото возило.
По целосно документирање на случајот ќе следува соодветен поднесок, велат од полицијата.
Текстот Полицијата го најде возачот кој усмрти 78-годишна жена во Марино и побегна е превземен од МАКФАКС.
