6
Потпретседателката на САД и демократска кандидатка за претстојните претседателски избори, Камала Харис, денеска им изјави на новинарите дека гласала на изборите така што неодамна го пополнила гласачкото ливче и го испратила во Калифорнија, каде што била регистрирана.
„Всушност само го пополнив моето гласачко ливче и го испратив по пошта. Затоа гласав“, им рече Харис на новинарите во Детроит, објави Си-Ен-Ен.
На прашањето дали гласачкото ливче е вратено, таа рече дека нејзиното гласачко ливче е на пат за Калифорнија и дека ќе му верува на системот да стигне таму.
