Победата на републиканскиот кандидат Доналд Трамп на претседателските избори во САД на крајот ќе биде несомнена и поубедлива отколку што многумина очекуваа. Трамп во моментов има големо, недостижно водство во сите клучни држави.
Американските медиуми веќе го прогласија за победник во Пенсилванија, Џорџија и Северна Каролина, а во Мичиген, Висконсин, Невада и Аризона пребројувањето кое е во напредна фаза му оди во прилог. Таму во моментов има пет милиони гласови повеќе од Камала Харис, што ќе биде тешко да се достигне дури и со резултатите кои доаѓаат од убедливо демократска Калифорнија.
Пред осум години Трамп ја победи Хилари Клинтон со 304 електорски гласови, но имаше 2,9 милиони гласови помалку во вкупниот број гласови. Во пресрет на овие избори, сите аналитичари и анкетари ги предвидуваа најтесните избори во историјата, но се покажа дека повторно го потцениле Трамп.
Текстот Аналитичарите најавија најтесни избори во историјата, повторно го потценија Трамп е превземен од А1он.
