Унгарскиот премиер Виктор Орбан уверува дека никогаш не им кажал на Украинците што да прават во контекст на војната со Русија, но додава дека е подготвен да помогне како „добар сосед“.
Орбан истакна дека Украина е суверена држава и дека тоа што го прави Украина е единственo одговорност на украинскиот народ.
– Тие избраа да се борат и херојски се бореа во секој случај, нивна е одлука дали ќе продолжат или не – рече тој.
Унгарскиот премиер рече дека неговите напори се насочени само кон изолација на Унгарија од опасноста од војна и можна ситуација која би имала негативно влијание врз Унгарија.
– Во јули отидов и во Киев и Москва и бев многу критикуван поради тоа. Но, она што го направив во Украина беше дека ги убедив Украинците да направат нешто. Само се обидов да му објаснам на Зеленски: „Те молам, пријателе, времето не е на твоја страна и подготвен сум да ти помогнам некако да воспоставиш примирје, а потоа и подобри услови за мир“. Ме одбија затоа што претседателот рече> „Виктор, ова не е моја поента, мојата поента е, како претседател на Украина, дека времето е на наша страна“ – рече Орбан.
Тој додаде дека се обидел да создаде што е можно поширока меѓународна мирна клима, а потоа, порано или подоцна, да ги убеди завојуваните страни да преговараат.
– Никогаш не би се осмелил да кажам што треба да направат Украинците. Тоа е нивната земја, нивна иднина, нивен живот, нивна суверена држава. Но, јас сум подготвен да им помогнам, како што имам направено многу пати, бидејќи тие се бореа херојски и заслужуваат подобра иднина отколку што тоа изгледа сега – изјави Орбан.
The post Орбан: Подготвен сум да помогнам како „добар сосед“! appeared first on Локално.
