Со натпреварот во Битола, одигран попладнево, а во кој Пелистер го совлада Феникс, започна 6.коло во Првата кошаркарска лига. Битолчани во празната сала „Боро Чурлевски“ го совладаа скопскиот тим со 110-93.
Откако во првиот период за нијанса подобри беа гостите (24-26), пелистерци во вториот одиграа на посакуваното ниво. Ja одржуваа гостите разликата до 15-тата минута, кога го имаа и последното водство 36-38. Зелено-белите со серијата од 11-0, за прв пат заминаа на двоцифрена предност (51-41). На одмор домаќините имаа 13 поени предност 59-46.
По пет минути игра во третиот период, скопската екипа успеа да анулира 10 поени и да дојде до -2 (65-63). Тоа беше знак за тајм-аут на домашниот тренер Петровиќ. Тоа донесе ефект, па Пелистер во последниот период влезе со +7. А, во него, домаќините уфрлија во поголема брзина и направија огромна предност над 20 поени. Тоа беше сигнал за „бело знаме“ од страна на гостинскиот тренер Дервишевиќ кој во завршните 2.минути им да даде шанса на помладите, а тоа го стори и Петровиќ на спротивната страна. Пелистер заслужено на крајот славеше со 17 поени разлика.
Петмина кошаркари на Пелистер завршија со двоцифрен број на поени, а најефикасен беше Мишковиќ кој на 30-те поени додаде и 13 скокови. Американецот, Антоан заврши со 18, Лука Стојаносвки даде 15, Едвардс 13, а Стајиќ 10 поени
Со ова победа и 11-те бодови Пелистер изби на првото место на табелата во исчекувања резултатите од останатите дуели.
Утре на програмата се три натпревари, а МЗТ и Работнички своите дуели од ова коло ќе ги играат во недела и понеделник.
ПРВА ЛИГА (МАЖИ) – 6.КОЛО
Петок (08.11)
ПЕЛИСТЕР – ФЕНИКС 110-93
Сабота (09.11)
13.30 ШКУПИ – ТИКВЕШ
19.00 КОЖУВ – МКК КУМАНОВО
19.00 ЧАИР – ВАРДАР
Недела (10.11)
18.00 МЗТ СКОПЈЕ А. – ГОСТИВАР
Понеделник (11.11)
18.00 РАБОТНИЧКИ – ТФТ
ТАБЕЛА: Пелистер 11 бодови, ТФТ 10, Чаир 9, Работнички 9, МЗТ Скопје Аеродром 8, Кожув 7, Гостивар 7, Тиквеш 7, МКК Куманово 7, Феникс 7, Шкупи 6, Вардар 5.
The post Пелистер е „превисок“ за Феникс да го „прелета“ appeared first on .
