На денешен ден, 20 јули 1947, во Аутлан де Наваро, Мексико, роден е Карлос Сантана. Со својата магична гитара, интуитивно чувство за ритам и неуморна креативност, Сантана стана синоним за спој на рок, латино, блуз и џез музика.
Карлос Сантана започнал да свири виолина уште како дете, но бргу го замени инструментот со гитара. Неговото музичко патување го довело до САД, каде во доцните 1960-ти ја формираше групата Santana. Нивниот настап на фестивалот Вудсток во 1969 беше пресвртен момент каде публиката остана воодушевена од спојот на афро-латински перкусии, психоделичен рок и неверојатна енергија.
Карлос Сантана остави безвременски траги во музиката со песни кои станаа дел од колективната музичка меморија. Хитовите како „Black Magic Woman“, „Oye Como Va“, „Samba Pa Ti“ и „Smooth“ (со Роб Томас), еден од најголемите хитови на 1999 година, го поставија меѓу најпродаваните и највлијателните гитаристи на сите времиња.
Сантана има освоено дури 10 Grammy награди во една година (2000), што е рекорд кој долго не беше надминат. Албумот Supernatural (1999) беше комерцијален и уметнички триумф, кој го врати Сантана на врвот по децении кариера.
Освен по музиката, Сантана е познат и по својата духовност. Јавено зборува за мир, љубов и човечка поврзаност. Неговите песни често носат порака за духовно будење и културна интеграција. Тој исто така ја води фондацијата Milagro Foundation, која помага на деца и млади од маргинализирани заедници.
Денес, на својот 78-ми роденден, Карлос Сантана останува инспирација за генерации музичари и обожаватели ширум светот.
The post На денешен ден е роден легендарниот гитарист Карлос Сантана appeared first on ekran.
