Уште еден концерт што Бајага и Инструкторите требаше да го одржат во Хрватска оваа година е откажан. Имено, станува збор за настап најавен како дел од овогодинешниот Кава Фест во Солин, кој требаше да се одржи на 22 август.
Организаторите на фестивалот изјавија дека концертот е откажан „поради безбедносни и технички причини“, но според хрватскиот медиум „Далматински портал“, тоа е поради притисок од одредени здруженија.
„Со недели, организаторите беа изложени на притисок од одредени здруженија и групи кои продолжуваат да го перцепираат Бајага како политички непожелна личност, без оглед на фактот дека истиот бенд и истиот музичар се редовни гости на хрватските сцени со години, од Пула до Дубровник. На крајот, притисокот си го направи своето и концертот беше откажан“, наведува далматинскиот портал.
Исто така, тие наведуваат дека се обиделе да добијат официјален коментар од организаторите, но им било кажано дека засега нема да коментираат јавно.
„Наместо тоа, тие објавија дека во соработка со градот Солин, наскоро ќе објават заедничка изјава во која дополнително ќе ги разјаснат причините за откажувањето“, додадоа тие.
Концертот на Бајага во Хрватска беше ненадејно откажан: Додека владата тврди дека нема пари, многумина се сомневаат во овие изјави
Организаторите на „Кава Фест“ во Солин објавија на својата Фејсбук страница дека концертот на Рамбо Амадеус, кој првично беше најавен за четврток, ќе биде преместен за петок, 22 август, додека „Забрането пушење“ ќе настапат во четврток.
Ве потсетуваме дека концертот на Бајага и Инструктори, кој требаше да се одржи на 4 јуни во Сисак, беше откажан наводно поради неможноста да се обезбедат соодветни услови за настапот.
The post Уште еден настап на Бајага откажан во Хрватска: „Го сметаат за политички непожелна личност“ appeared first on Локално.
