Унгарскиот премиер Виктор Орбан изјави дека помислата за пораз на Русија во украинскиот конфликт е бесмислена фантазија и предупреди дека Киев нема предност во човечката сила или оружјето во конфликт со нуклеарна суперсила.
„Помислата дека Украина може да ја победи Русија и да предизвика нејзина дестабилизација отсекогаш била бесмислена фантазија“, напиша Орбан на платформата X.
Тој нагласи дека конфликтот продолжува без никаква перспектива за воена победа на Киев, со оглед на нерамнотежата на силите.
Американските медиуми денес објавија дека НАТО не е во можност да го спречи потенцијалниот пораз на Украина, дури и ако сојузниците преземат целосна логистичка поддршка во испораката на оружје.
Претседателот на САД, Доналд Трамп, објави на почетокот на неделата дека Вашингтон и Брисел постигнале договор за испорака на американско оружје на Украина, при што трошоците ќе ги сноси ЕУ.
Според медиумите, идните пратки ќе вклучуваат системи за воздушна одбрана „Патриот“, а не само ракети.
Според истите извори, САД вршат притисок врз Германија да ја удвои набавката на тие системи, и покрај претходните договори.
Франција, Италија, Чешка и Унгарија одбија да учествуваат во таа иницијатива.
The post Орбан: Идејата за пораз на Русија во Украина е бесмислена фантазија, Киев нема никаква предност appeared first on Локално.
