ПОЧИНАЛ 2 МЕСЕЦИ ПРЕД НЕГОВИОТ 100-ТИ РОДЕНДЕН: Познатиот композитор и текстописец беше добитник на Оскар, Греми и Еми награди, а твореше повеќе од 6 децении

Ален Бергман е познат на јавноста и како текстописец кој соработувал со својата сопруга Мерилин повеќе од шест децении…
Американскиот композитор Ален Бергман (99), добитник на Оскар, Греми и Еми награди, починал во својот дом во Лос Анџелес.
Тој е познат на јавноста и како текстописец кој соработувал со својата сопруга Мерилин повеќе од шест децении, објавува американскиот неделник Венити.

Неговата сопруга, Мерилин Бергман, која починала во јануари 2022 година, била првата жена претседател и претседател на одборот на Американското друштво на композитори, автори и издавачи (ASCAP).
Текстописецот Пол Вилијамс, сегашен претседател и претседател на ASCAP, рекол дека Ален Бергман бил „ретка класа текстописци“.

„Заедно со Мерилин, тој создаде елегантни рими и незаборавни слики кои засекогаш се врежани во нашите сеќавања. Ги обожавав неговите песни и неговата великодушност. Кога Ален ме охрабри како текстописец на почетокот на мојата кариера, тоа навистина многу ми значеше. Ален, ти секогаш ќе бидеш крал на текстописците“, рекол Вилијамс.
Портпаролот на семејството Бергман изјавил дека на 11 септември, на Брод Стејџ во Санта Моника ќе се одржи однапред договорена прослава на 100-годишнината од раѓањето на Ален Бергман.
„Меѓу гостите ќе бидат, меѓу другите, Сет Мекфарлан, Мајкл Фајнштајн, Дејв Грусин и Џексон Браун, но наместо јубилеен роденден, ќе го прославиме делото на Бергман“, рекол портпаролот на семејството на починатиот композитор.

Фото: Принтскрин/Instagram