Италијанските медиуми во последните денови посветија многу простор на доаѓањето на Лука Модриќ (39) во редовите на Милан, но една италијанска фудбалска ѕвезда особено се истакна со пофалбите за хрватскиот капитен, а тоа е Кристијан Бобо Виери (52).
„Тоа беше единствена можност. Апсолутно би потпишал едногодишен договор со него“, рече Виери, кој со 23 гола на 49 натпревари е деветтиот најдобар стрелец на италијанската репрезентација на сите времиња. Тој нагласува дека искуството и класата што ја има Модриќ се непроценливо богатство за секој тим.
„Во Италија, фудбалер од неговата класа може да игра 40 натпревари со цигара во уста“, изјави Виери за „Кориере дела Сера“, еден од најчитаните италијански дневни весници.
Модриќ ќе го прослави својот 40-ти роденден во септември, но Виери истакнува дека класата нема рок на траење и дека ќе дојде до израз во Серија А бидејќи во италијанското првенство тактиката победува над физичката сила.
Поранешниот најдобар стрелец на Јувентус, Лацио, Интер, Атлетико Мадрид и Милан, кој постигна 142 гола во италијанската Серија А, верува дека Модриќ не е само засилување за играчите, туку ќе биде и светилник во соблекувалната на „росонерите“.
„Модриќ ќе им го покаже на младите играчи најдобриот начин да станат вистински фудбалери“, рече Бобо Виери, додавајќи дека хрватскиот капитен е способен да го подигне професионализмот и менталната сила на целиот тим.
The post Виери: Модриќ во Италија може да игра со цигара во уста appeared first on Локално.
