Бразилскиот претседател Луиз Инасио Лула да Силва во понеделник изјави дека нема да прима наредби од американскиот претседател Доналд Трамп, кој воведе тарифи од 50 проценти за Бразил.
Трамп ги воведе тарифите, кои требаше да стапат на сила во август, поради, како што рече, лошиот третман на поранешниот бразилски претседател Жаир Болсонаро и наводните нефер трговски практики на Бразил кон американските компании, објави Ројтерс.
Лула и неговиот кабинет го отфрлија образложението за тарифите и инсистираа на суверенитетот на Бразил, поканувајќи ги САД на трговски разговори.
„Ниеден гринго нема да му дава наредби на овој претседател“, рече Лула, обраќајќи се на собир на левичарски студентски активисти во државата Гојас.
Во Бразил, „гринго“ е вообичаен термин за странци, без пежоративната конотација што ја носи во другите делови на Латинска Америка.
Тој додаде дека Бразил ќе продолжи да ги регулира и оданочува американските технолошки компании, тврдејќи дека тие промовираат насилство и лажни вести под аргументот на слободата на изразување.
The post Лула одговори на царините на Трамп: Нема да примам наредби од „грингоси“ appeared first on Локално.
