На 17 јули 2025 година, шкотскиот пејач и кантавтор Lewis Capaldi ја објави својата најнова песна „Survive“, придружена со музичко видео.
По кратка креативна пауза и периодот на повлекување поради здравствени предизвици, Capaldi се враќа со песна која тематски се навраќа на неговата препознатлива искреност и емоционална длабочина. „Survive“ е моќна балада за љубовта што згаснува, болката што останува и личната борба да се продолжи понатаму, дури и кога е најтешко.
Музичкото видео, во режија на Charlie Sarsfield, е минималистичко – исполнето со свежо цвеќе кое го обвива пејачот во сцени кои наликуваат на терапевтска интимност. Но, она што го прави видеото уште повпечатливо е хуманата нота зад сцената:
Сите цветови користени за снимањето беа донирани на неколку здравствени и геријатриски установи во регионот каде што е сниман спотот – вклучувајќи го Royal Berkshire Hospital, The Old Vicarage Residential Care and Dementia Home и OSCJT (The Orders of St John Care Trust).
Со над 107.000 прегледи на YouTube во првите 24 часа, „Survive“ е новата омилена балада меѓу фановите. Коментарите под видеото се преполни со пораки од луѓе кои се пронашле во стиховите.
Со своите зборови и глас, Capaldi останува еден од ретките артисти кои успеваат да ги претворат личните рани во универзална уметност.
Слушнете ја „Survive“.
The post Lewis Capaldi се враќа со нов сингл – слушнете ја „Survive“ appeared first on ekran.
