Турскиот гигант Галатасарај се согласи на еден од најголемите трансфери во историјата, па така Нигериецот Виктор Осимен ќе го носи дресот на актуелниот шампион на Турција и во следната сезона.
Трансферот го потврди и познатиот инсајдер Фабрицио Романо со своето познато „еве нè“, со што заврши една од најголемите трансфер саги ова лето.
Саудиските клубови Ал-Хилал и Ал-Наср беа заинтересирани за него, но тој ги отфрли нивните понуди и одлучи да остане во Галата, каде што беше претходната сезона како позајмен играч од Наполи.
Галата ќе плати 40 милиони евра за него веднаш и дополнителни 35 милиони евра во текот на следната година, а Наполи ќе добие и 10 проценти од следната продажба на нигерискиот напаѓач.
Исто така, тој има посебна клаузула според која не може да се врати во Италија во следните две години, а ако го стори тоа, турскиот клуб ќе плати одредени „казни“.
Осимен ќе потпише тригодишен договор со Галатасарај и ќе претставува големо засилување во напорите за одбрана на титулата турски шампион.
Во претходната сезона, тој постигна дури 37 гола со осум асистенции во 41 натпревар за Галата, а постигна и 26 гола во 41 натпревар за нигериската репрезентација.
Претходно, тој играше и за Волфсбург, Шарлроа, Лил, како и за Наполи и Галатасарај, каде што е од претходното лето.
The post Галатасарај го комплетираше најголемиот трансфер во историјата на Турција, ќе плати 75 милиони евра за Осимен appeared first on Локално.
