Нова рунда мировни преговори ќе се одржат утре во Истанбул, најави украинскиот претседател Володимир Зеленски. Тој појасни дека разговарал со Рустем Умеров, Секретар на Советот за национална безбедност и одбрана, за подготвителните работи со руската страна.
Во своето редовно вечерно видеообраќање, Зеленски вчера рече дека повеќе детали за преговорите ќе може да соопшти денеска. Претходно, во текот на денот, на приемот за украинските амбасадори, претседателот на Украина рече дека Умеров изготвил предлог, нагласувајќи дека „вистински ефикасни преговори може да се одржат само на ниво на националните лидери“.
Зеленски ги повикал украинските дипломати да се потрудат да обезбедат меѓународна поддршка за преговори на лидерско ниво.
Руските власти не реагираа веднаш на забелешките од Зеленски. Државната новинска агенција РИА само извести дека преговорите ќе се одржат на 24 и 25 јули, цитирајќи извори. Преговорите сепак ќе почнат утре, 23 јули, а можно е да завршат истиот ден.
Седнувањето на заедничка маса утре во Истанбул е третата рунда преговори на ова ниво. Претходните две рунди директни преговори меѓу Русија и Украина се одржаа исто така во Истанбул, на 16 мај и на 2 јуни.
Додека траеја подготовките, Зеленски ги скицираше задачите за украинските дипломати: проширување на меѓународните санкции против Русија, обезбедување повеќе системи за противвоздушна одбрана и обезбедување дотур или финансии на дронови.
Зеленски релативно задоволен
Украинскиот претседател смета дека сега, кога Украина има постигнато претходно невидено ниво на глобална соработка, потребни се нови формати.
„Од данскиот модел до чешките артилериски иницијативи до француски „Миражи“ што ја засилуваат нашата авијација… Сега приоритетот е дронови, од сите типови“, рекол тој.
Зеленски пред украинските амбасадори ги навел и непрекинатите координации за администрацијата на претседателот на САД за противвоздушната одбрана и заедничките иницијативи за производство на дронови.
Новите преговори доаѓаат во време кога руските сили во Украина непрекинато вршат воздушни напади со дронови, ракети и понекогаш артилериски напади. Последната голема победа на руските сили во Украина, која ја потврдија и од украинската војска, е освојувањето на градот Покровск, во Донецката област.
The post Украина и Русија утре пак седнуваат на преговарачката маса – ќе донесе ли рундата во Истанбул напредок? appeared first on Локално.
