Дали Каја Шукова не смеела да одбие да бидат кандидат за пораз, затоа што е директно вмешана во бизнисите со фотоволтаици на луѓе од власта?, прашува Валентин Манасиевски, член на ЦК на ВМРО-ДПМНЕ. Тој поставува повеќе прашања на денешната прес-конференција:
„Дали Каја Шукова како Министер за животна средина има дадено стотици позитивни мислења за поставување на фотоволтаични централи низ Македонија, и дали поголемиот дел од истите тие фотоволатични централи се на луѓе блиски до СДС?
Дали Каја Шукова е вмешана во давањето мислење за поставување на фотоволтаична централа на браќата на Венко Филипче и Зоран Заев во Дојран?
Дали поврзаноста со бизнисите на Заеви и Филипче, всушност е и причината поради која таа е врзана во кругот во СДС од кој не може да излезе?
Дали Каја Шукова заради ова свое минато со Заев и Филипче немала избор како Мишко Ралев кој ја одбил понудата да биде кандидат на СДС за Скопје?“, прашува Манасиевски.
Според членот на „Белата палата“, ова се кадрите на СДСМ, како што вели, кадри со силни врски со минатото и со бизнисите на Заев и Филипче.
„Каја Шукова ќе дознае што мислат Скопјани за СДС и за неа, со најголемиот пораз во историјата на таа партија“, истакна Манасиевски.
The post ВМРО-ДПМНЕ: Дали Шукова не смеела да одбие да бидe кандидат за пораз затоа што е директно вмешана во бизнисите со фотоволтаици? appeared first on Локално.
