Европската Унија побара денеска од израелската војска да престане да убива палестински цивили што се обидуваат да дојдат до хуманитарна помош, а ОН предупреди за можните тешки кршења на меѓународното право.
„Убивањето цивили што бараат помош во Газа е неоправдливо“, напиша еврокомесарката за надворешна политика Каја Калас на својот профил на социјалната мрежа Х, известувајќи дека разговарала со израелскиот министер за надворешни работи Гидеон Саар.
The killing of civilians seeking aid in Gaza is indefensible.
I spoke again with @gideonsaar to recall our understanding on aid flow and made clear that IDF must stop killing people at distribution points.
All options remain on the table if Israel doesn’t deliver on its pledges
— Kaja Kallas (@kajakallas) July 22, 2025
„Зборував повторно со Гидеон Саар за да го потсетам на нашето поимање за доставата на помошта и јасно напоменав дека израелските одбранбени сили мора да престанат да убиваат луѓе на дистрибутивните пунктови.
Сите опции остануваат во игра ако Израел не ги исполни своите ветувања“, порача еврокомесарката Калас на Х.
ЕУ пред две седмици објави дека е постигнат договор со Израел за подобрување на испораката на хуманитарна помош за Газа.
The post Калас: Убивањето цивили што бараат помош во Газа е неоправдливо appeared first on Локално.
