На 23 јули 2025 се навршуваат точно 14 години од смртта на Ејми Вајнхаус – британската пејачка со уникатен глас, непрепознатлива стилска автентичност и талент кој ја обележа модерната музика.
Родена на 14 септември 1983 година во северен Лондон, Ејми од млада возраст покажала необичен интерес за џез, соул и ритам-блуз. Влијанијата од уметници како Сара Вон, Дони Хатауеј и Аретa Френклин се чувствуваат низ целата нејзина дискографија.
Нејзиниот деби-албум “Frank” (2003) беше музички и критички успех, но светската слава ја стекна со вториот албум – “Back to Black” (2006), кој стана глобален феномен. Песни како “Rehab”, “You Know I’m No Good”, “Tears Dry on Their Own” и “Back to Black” сеуште се слушаат како музички класици на нови генерации.
Со 5 Grammy награди, милиони продадени албуми и статус на музичка икона, Вајнхаус ја дефинираше една ера на ретро-инспириран поп и соул, носејќи автентичност и сурова емоција што ретко се среќава во мејнстримот.
Но зад музичкиот успех стоеше личност која се бореше со зависности, анксиозност и притисокот од славата. На само 27 години, Ејми трагично почина во својот дом во Лондон, влегувајќи во т.н. „Клуб 27“.
Денес, 14 години подоцна, нејзината музика продолжува да живее, инспирирајќи уметници низ целиот свет и потсетувајќи не дека искреноста во музиката е вечна. Нејзиниот стил, глас и несопирлив дух остануваат незаменливи.
Во нејзина чест слушнете ја „Back to Black”.
The post Сеќавање: 14 години без Ејми Вајнхаус – гласот што прерано замолкна, но никогаш не исчезна appeared first on ekran.
