Една од најпознатите српски пејачки, Дара Бубамара, станува нов член на жирито на музичкото шоу „Ѕвездите на Гранд“!
-Со големо задоволство и возбуда објавуваме дека Дара Бубамара се приклучи на жирито на најгледаното музичко натпреварување во регионот „Ѕвездите на Гранд“!
За време на својата богата кариера, Дара изгради статус на фолк икона, пејачка со автентичен стил, безвременски хитови и непогрешливо чувство за сцената.
Нејзиното музичко знаење, децениското искуство во индустријата и директната комуникација со публиката ја прават исклучително дополнување на нашето жири.
Убедени сме дека позитивната енергија, острината и препознатливата харизма на Дара ќе внесат дополнителен динамизам на веќе легендарното натпреварување и ќе бидат силен ветер на грбот на новите музички таленти, се вели во соопштението.
Дара, по потпишувањето на договорот со продукцијата, изјавила дека се надевала на ваква покана.
– Што се однесува до мене, очекувајте лудило, енергија, едноставно да се размрда жирито и да се внесе натпреварувачки дух во емисијата. Беше најгледано досега, но сега ќе биде 200 проценти повеќе гледано. Јас сум личност која е добра со сите, ги почитувам постарите, но знаете дека сум во стилот „не ме допирај, нема да те допирам тебе“, ако некој ме допре, секако дека ќе одговорам, рече Дара.
