Државниот завод за статистика (ДЗС) соопшти дека просечната исплатена нето-плата по вработен во мај годинава изнесувала 45.796 денари, што е 11% повеќе во споредба со истиот месец лани.
Според ДЗС, ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Финансиски дејности и дејности на осигурување за 23.9%, Трговија на големо и трговија на мало; поправка на моторни возила и мотоцикли за 15.1% и Образование за 14.4%.
Зголемување на просечната месечна исплатена нето-плата по вработен во однос на претходниот месец, е забележано во секторите: Финансиски дејности и дејности на осигурување за 13.5%, Трговија на големо и трговија на мало; поправка на моторни возила и мотоцикли за 5.4% и Рударство и вадење на камен за 5.1%.
Просечната бруто-плата изнесувала 68.859 денари.
The post Просечната нето-плата во мај 45.796 денари appeared first on еМагазин.
