Broadcasted on May 04, 2026 (Monday) on MRT1 at 20.15.
Во новото издание на емисијата „360 степени“ на МРТ 1 гостува Сузана Јошевска-Анастасовска, членка на Судскиот совет (СС), орган чија улога е да ја гарантира и заштитува самостојноста и независноста на судската власт, а меѓу ингеренциите најзначајната е да избира и разрешува судии. Јошевска-Анастасовска беше избрана од Собранието на 12 јануари годинава, на предлог на претседателката Гордана Сиљановска-Давкова. Иако на функцијата не е ни четири месеци, во неколку ситуации веќе го привлече вниманието на јавноста со своите предлози, дискусии и гласања во Советот. Ја прашуваме како се случи таа да биде кандидатка за членка на СС на предлог на шефицата на државата и колку е фрустрирачки за неа кога индивидуалноста останува во сенка на ставот на мнозинството. Разговараме за постапката во која Мери Дика беше утврдена за кандидатка за уставна судијка и дали таа отвора простор да се поведе управен спор. Теми се и финансиската (не)зависност на судската власт, одобрените двесте нови вработувања, пополнетоста од едвај 65% на систематизираните судиски места, како и одолговлекувањето на постапките за избор на претседатели на Основниот кривичен суд Скопје и на Управниот суд.
Прегледи: 0
