На 17 јули 2025 година, Miley Cyrus официјално го објави видеото за својот нов сингл „Walk of Fame“, во соработка со фронтменката на Alabama Shakes, Brittany Howard. Песната е дел од нејзиниот деветти студиски албум Something Beautiful.
Во видеото, Miley стапнува буквално врз славата – шета по холивудскиот „Walk of Fame“, облечена во сребрен мини-фустан и црни високи чизми, оди по ѕвездите на познатите, но и симболично го испитува значењето на јавниот живот и личната цена на славата. Видеото е метафора за тоа што значи да бидеш „ѕвезда“ во светот што слави, но и изолира.
Во песната, Miley и Brittany Howard создаваат комбинација од соул, алтернативен рок и емотивен поп, со длабок текст кој зборува за успехот, траумите и самоидентификацијата. Соработката со Brittany додава сировост и автентичност што ретко се слуша во мејнстрим-попот.
Синглот доаѓа неколку недели по официјалното добивање на својата вистинска ѕвезда на Hollywood Walk of Fame – настан што Miley го одбележува со овој видео-клип, претворајќи го тротоарот на славните во лична сцена за исповед.
Слушнете ја песната и погледнете го видеото за „Walk of Fame“.
The post Miley Cyrus со нов сингл и видео – „Walk of Fame“ appeared first on ekran.
